3- topshiriq. Matnni o‘qing. Ona tilingizga tarjima qiling. Savollar tuzing. Lug‘atda berilgan soʻzlar ishtirokida gaplar tuzing. Oʻzbekiston milliy sporti dunyoni zabt etmoqda Oʻzbekiston sportining an'anaviy turlari bilan birgalikda milliy sport turlari hamda xalq o‘yinlari ham tobora rivojlanib bormoqda. Bugungi kunda dunyoning koʻplab mamlakatlarida oʻzbek kurashi boʻyicha musobaqalar tashkil etilib, sportning shu turi ustalari oʻrtasida jahon chempionati muntazam o'tkazib kelinayotgani Oʻzbekistonda yashayotgan har bir fuqaro qalbini gʻururga toʻldiradi. Biz faxrlansak arziydigan milliy sport turlari juda ko'p. Ularning orasida „Turon“ kurashi, „O‘zbek jang san’ati“, „Uloq“, „Koʻpkari“, „Chovgon“, „Belbogʻli kurash“ va „Kamondan o'q otish“ turlari alohida ahamiyatga ega. Ayniqsa, „O‘zbek jang san'ati"ga boʻlgan qiziqish kuchayib bormoqda. Bu sport turi yoshlardan abjirlik, epchillik kabi xususiyatlarni shakllantirishda, o'tkir zehnli boʻlib ulg'ayishlarida muhim o'rin tutadi.