Өз елін алтын бесiгiн тақырыбына әңгіме құрау

Оз елим алтын бесигим

Арыстандай айбаттым,
Жолбарыстай қайраттым,
Аспандаған байрақтым,
Қанша жұлдыз жайнаттың,
Қанша бұлбұл сайраттың,
Қазақстан, ардақтым!
Тұлпарыңның шабысын,
Домбыраңның қағысын,
Күңіренткен тау ішін,
Дарияңның ағысын
«Сүйем!» десем - бәрі шын,
Қазақстан - намысым!
Әрбір тасы - киелім,
Әр уығы - жүйелім,
Ән кернеген жүрегін,
Күй кернеген тиегін,
Сары алтыннан сүйегің,
Қазақстан - жыр елім!
Шаңырағың - шырағым
Топырағың - тұмарым,
Ғаламда жоқ сыңарың,
Ғажайыбым, жұмағым,
Басы таза бұлағым,
Басылмайтын құмарым,
Қазақстан - қыраным!
Айың тусын оңыңнан,
Күнің тусын солыңнан,
Жұлдыз жансын жолыңнан,
Басыңа бақ орнасын,
Қыдыр болсын жолдасың,
Құдай сені қолдасын,
Қазақстан - көз жасым!..

- Ардақ, мені сурет көрмесіне шақырғаныңа рақметімді айтқым келіп тұр. Қалайша суреттерді тамашалау арқылы рақаттануға болатынын білмегенмін?

- Оқасы жоқ. Сәуле, қазір қазақта айы оңынан туған, есімдері ел аузына ілігіп жүрген төл суретшілеріміз аз емес. Бүгінгі көрме де соның айғағы іспеттес.

- Қандай керемет!

- Әбілхан Қастеев туралы естіген боларсың? Келесі жолы мен сол мұражайға алып барамын.

- Өте жақсы болар еді. Ол кісінің жұмыстарымен жеке танысуға еш мүмкіндік болмапты.

- Жалпы, Әбілхан Қастеев - Қазақстанның кәсіпқой суретшілерінің алғашқы толқынының өкілі, Қазақстанның Халық суретшісі. Қазақ халқының мәдени мұрасы мен рухани дәстүрі негіз болған тарихи сурет, пейзаж, портрет жанрларында жұмыс істей отырып, оларды өз дүниетанымымен ұштастыра отырып дамыта білді. А. Иманов, Ш. Уәлиханов, Абай, Жамбыл портреттері өзінің қайсарлығы мен талантының арқасында халқының мақтанышы болған адамдардың биік рухани бейнесін көрсететін туындылар.

- Керемет! Мен келесі аптаның бір күніне мұражайға билет алайын. Міндетті түрде бірге барайық, жарай ма?

- Әрине, барамыз. Ал, қазір, жүр, мына жақтағы суреттерді тамашалайық.