4-тапсырма. Мәтінді оқы. Қазақстан қорықтары «Қорық» сөзі – өте көне ұғым. Ол Киев Русінің тұсында аң аулауға қатаң тыйым салынған жерлерді белгілеу үшін қолданылған. Қорық – үкіметтің қорғауында болатын табиғи кешен, жер не су кеңістігі. Ол — сирек кездесетін тіршілік иелерін сол қалпында сақтауға арналған, ерекше қорғалатын табиғи аумақ. Қорықтың негізгі міндеті – қорғауға алынған ағзалардың гендік қорын сақтау және қалпына келтіру. Қорық аумағын шаруашылық мақсат үшін пайдалануға болмайды. Қорық — қорғалатын аумақ қана емес, сонымен қатар, табиғатты қорғау жөніндегі мемлекеттік ғылыми мекеме. Мұнда саны сиреп бара жатқан жануарлар мен азайып кеткен өсімдік түрлерін қалпына келтіру мәселесі терең зерттеледі. Қорықтағы табиғи ресурстарды сақтаудың жолдары белгіленеді. Қазақстан қорықтар саны жөнінен ТМД-ға кіретін республикалар арасында 16- орын алады. Қазіргі кезде нақты 10 қорық жұмыс істейді. Бұлар, әрине, Қазақстан табиғаты үшін жеткіліксіз. Сондықтан болашақта ғалымдардың, табиғатты қорғау қоғамы өкілдерінің ұсынуымен тағы 15 қорық ұйымдастырылмақшы. 1/Мәтіннен негізгі ақпараттарды анықтаңыз.5-тапсырма. Мәтінді оқы.Жаңа ғасырдағы жаңа мамандықтар ХХI ғасыр өмірге түрлі жаңалықтар енгізіп қанай қоймай, жаңа мамандықтарды да ала келді. А естіп-білмеген түрлі мамандықтар пайда болуда. Ол негізінен ақпараттық технологиялардың тез дамуына, қызмет көрсету саласының түрленуіне байланысты. Төменде келтірілген мамандық атаулары бірнеше жыл бұрын қолданыста болмаған, олардын атын естігенде қазіргі күннің өзінде «Сонда ол маман немен шұғылданады?» деген сауал туындайды. Бірақ дамып жатқан компаниялар бүгінде осындай мамандар іздеп жүр. Сонымен, жаңа ғасырдың жаңа мамандықтарына тоқталайық: рецепшеонист – тұтынушыларды қабылдау және келушілерді тіркеумен шұғылданатын маман.¬ джобер – оның жұмысы брокердің жұмысына ұқсайды, бірақ джобер акцияларды сатып алуға және сатуға өз ақшасын жұмсайды; ¬ сомелье — мейрамханада сусындардың таратылуына жауапты кәсіби маман; ¬ девелопер — жылжымайтын мүлік саласында, оны жобалау және құрылысын жүзеге асырумен шұғылданатын маман; ¬ интервьюер — әлеуметтік зерттеулер үшін сауалнама, сұхбат жүргізетін маман; ¬ коучер — қызметшілердің потенциалын өсіретін маман; ¬ копирайтер — сайт үшін контент құрушы; ¬ веб-мастер — сайт жасаумен шұғылданатын маман; ¬ супервайзер — сауда өкілдіктерінің жұмысын қадағалайтын, жаңа бағыттарды айқындайтын маман; ¬ промоутер — компанияның өнімін сату, жарнамалау және өткізу жұмыстарымен шұғылданатын өкіл; ¬ логистик — жүк тасымалын қадағалайтын маман; ¬бренд-менеджер — тауарды сатуды ғана емес, оның қалай өндірілетінін жақсы білетін маман; Бірақ бұл мамандықтарға деген сұраныс күннен күнге артып келе жатыр. Дегенмен бірқатар мамандықтардың атауы жаңа болғанымен, функциясы өзгерген жоқ. Мысалы, Javascript-программист мамандығы бұған дейін веб-программист деп аталатын. Бұрынғы бастықтар — менеджер болып шыға келді. Еден жуушылар — хаус-киперге айналды. Соған қарамастан жаңа мамандықтардың басым бөлігі — IT саласының дамуына байланысты пайда болған, тың кәсіптер. 1/Мәтін бойынша 3 сұрақ құрастыр​