Мақалдың ішінде болымсыз етістік болу керек

Орағың өткір болса, қарың талмайды, Отаның берік болса, жауың алмайды.

Қазақ боксының деңгейі туралы.

Былтырғы жылы қазақ боксына сексен бес жыл толды. Осы біршама уақыт ішінде қазақ боксы қандай кезеңдерден өтіп, қандай жетістіктерге жеткеніне көз жүгіртіп, саралап көрейік.

Қазіргі таңда бокс еліміздегі ең танымал спорт түріне айналды. Бүгінде жастармен қатар аға буын өкілдері де халықаралық ареналарда бақ сынасып жүрген қазақ былғары қолғап шеберлеріне жанкүйерлік танытып, әрбір кездесулерін асыға күтіп, үзбей көріп отырады. Отандастарымыз халықаралық деңгейде түрлі спорт додаларының жеңімпазы атанып, көк туымызды желбіретіп, намысты қолдан бермей, Қазақстанның атын әлемге танытып жүр. Жерлестеріміз жазғы олимпиада ойындарынан алтынсыз қайтқан емес. Тіпті әлемде «қазақ боксы» деген мектеп қалыптасып, өте жоғары деңгейде дамып келеді.

Жалпы бокс елімізде қарқынды дамып келеді. Бұған дәлел ретінде жасөспірімдер мен жас боксшыларымыздың халықаралық деңгейде ғана емес, сонымен қатар кәсіби деңгейде үлкен жетістіктерге жетуі. Алдыңғы қатар аға буынның лайықты ізбасарлар қатары өсіп келеді. Қазақ бокс мектебінің өзіндік тарихы мен ерекшелігі бар.

"Электр энергиясы" жайлы диалог құрастыру.

Санжар: Әке, қолыңыз бос болса, көмегіңіз керек еді?

Әкесі: Иә, балам. Қандай көмек, айта бер.

Санжар: "Электр энергиясы және оны үнемдеу" тақырыбына шағын хабарлама әзірлеу керек.

Әкесі: Балам, бүгінгі таңда электр энергиясы қоғам өмірінің ажырамас бөлігі болып табылады. Қазір өмірімізді электр қуатынсыз елестету мүмкін емес. Дегенмен, "судың да сұрауы бар" демекші, электр энергиясын үнемдеу қажет.

Санжар: Сонда электр энергиясын үнемдеудің қандай жолдары бар?

Әкесі: Мысалға, бөлмеден немесе үйден шығарда шамның барлығын сөндіріп тек қажет уақытында қосып жүру керек; желдеткіш пен кондиционерді жиі пайдаланбай, кей кездері терезені ашқан да жеткілікті болады; Тамақты жылыту керек болған жағдайда электр пешінің орнына микротолқынды пешті қолдану т.б.

Санжар: Әке, ал біз үйде электр энергиясын қалай үнемдейміз, сол туралы толығырақ айтып берсеңіз?

Әкесі: Біз үйде ең алдымен энергия үнемдегіш шамдарды пайдаланамыз. Сонымен қатар, айтып өткенімдей, шамды тек қажет уақытында қосамыз және су жылытқышты тек қажет уақытында ғана қатты қыздырып, басқа уақытта ең төменгі деңгейінде қолданамыз.

Санжар: Әке, көмегіңізге көп рахмет!

Әкесі: Оқасы жоқ, балам.