Составьте предложения с междометиямиШіркін-айБәрекелдіМәссағанӘттеген-айТұуАлақайБәсеҚап

ответ:Ширкин ай тезирек ата-ажемнин ауылына барсам жаксы болгар еди.

Барекелди,менин досым кузги олимпиадада 1 орын Аллы.

Массаган,бул не деген керемет китап.

Аттеген ай,ана бир кишкентай балакай велосипедтен кулап калды.

Алакай,мени бугин мугалим мактады.

Кап,мен досыма арнап жасаган сыйлыгымды жогалтып алдым

Вот и всё! Удачи!

Надеюсь что понятно.

Қазақ халқының ұлттық зергерлік бұйымдары.

Әр халықтың өзіне тән ұлттық зергерлік бұйымдары болады. Қазақ халқының зергерлік өнері бұрынғы заманнан бері халықтың өмірімен, шаруашылығымен тығыз байланыста.

Зергелер көбінесе қыздар мен әйелдер бұйымдарын күміс пен алтыннан жасап, асыл тастармен безендірген, ал ұсталар болса, ерлердің қару – жарақтарын жасаған.

Қыз – келіншектер жасы мен отбасылық жағдайына байланысты түрлі зергерлік бұйымдар таққан. Ең көп қолданыста болған зергерлік бұйым – білезік. Білезіктің бірнеше түрі бар: алтын білезік, күміс білезік, құйма білезік, сағат білезік, топсалы білезік, бұрама білезік, қос білезік т.б.

Әйелдерге арналған әсем бұйымдардың тағы біреуі – жүзік. Жүзіктің бетіне асыл тастар орнатылып немесе түрлі – түсті әйнектерден ою – өрнек жүргізіледі. Жасалуына қарай көзді, балдықты, құс тұмсық жүзік деп аталады. Сонымен қатар мөр жүзік, құдағи жүзік, отау жүзік, қарала жүзік, ақық жүзік деген түрлері бар.

Білезікпен қатар жиі қолданылып жүрген зергерлік бұйым түрі – сырға. Оның сапасына, құрамына сай көптеген түрі болады: ай сырға, тас көзді сырға, күмбез сырға, салпыншақ сырға, сабақты сырға, шашақты сырға т.б.

Қай зергерлік бұйым болмасын қыз – келіншектердің көркіне көрік қосып, сымбатын ажарландыратыны сөзсіз. Соңғы уақытта ұлттық құндылықтарымызды насихаттап, қайта жаңғыртудың арқасында ұмыт қалған ұлттық бұйымдарымыз қайта қолданысқа енуде.

Қазақ халқының ұлттық тағамдары

Атамыз қазақ қашан да тағамды аса бағалап, қадір тұтқан. «Астан үлкен емессің», «Ерді қорласаң састырар, асты қорласаң құстырар» секілді сөздер осының дәлелі секілді. Тіпті үйге келген кісі асығыс болса да «ең болмаса нан ауыз тиіп кет, тізеңді бүк» деп айтқан. Бұл дегеніміз - қонақжайлылық пен жайсаңдық, өнегелі тәрбие бастауы. Бұрынғы заманнан-ақ қазағымның дастарханы үйге келімді - кетімді кісінің бәріне жайылып, бар тәтті осы кісілерге ұсынылған.

Ұлттық тағамдарға тоқтала кетер болсақ, оларды құрамындағы басты компонентке байланысты бірнеше негізгі топқа бөлуге болады: ет тағамдары, сүт тағамдары, ұннан жасалатын тағамдар, дақылдан жасалатын тағамдар.

Ет - халқымыздың аса қадірлі қонаққа ұсынылатын кәделі тағамы. Сыйлы қонақтарға қойдың басын немесе ірі қараның шекесін, табақ - табақ ет тартады. Әр адамның жасы мен дәрежесіне сай түрлі мүшелер тартылады. Осыған орай табақ тарту – бас табақ, сый табақ, күйеу табақ, келін табағы, жастар табағы, жай табақ болып бөлінеді. Осы табақтарға сай ет (сүйек) мүшелері болады. Ол мүшелерді ауыстыруға болмайды. Бас табаққа бас, жамбас, омыртқа, қазы, қарта, жал, жая сияқты кәделі мүшелер салынады. Іліктік қатынасқа қарай: қарттарға жамбас, орта жастағыларға ортан жілік, омыртқа, күйеу мен қыздарға асықты жілік, төс, тағы сол сияқты рет-ретімен беріледі. Мойын омыртқа, тоқпан жілік, ірі малдың жамбасының шұқыршағы, жауырын, сирақ қонақтарға тартылмайды.

Ет тағамдарына сонымен қатар қуырдақ, сірне, жаубүйрек, борша, қарын бөртпе, әсіп, жөргем, қимай, ми палау жатады.

Сүт тағамдарын қазақ халқы бір сөзбен “ақ” деп атап, қастеpлейді. Сүттен дайындалатын әр түрлі өнімдердің өзінің ерекшеліктері мен тіпті емдік қасиеттері де бар. Сиыр сүтінен сұйық, қою, қоймалжың, ащы, тұщы, жұмсақ, қатты, ұнтақ түріндегі ұлттық тағамдар жасаса, ешкі сүтін емге қолданған. Бие сүтін ашытып қымыз, түйе сүтінен шұбат жасап, оларды әр түрлі ауруларға ем ретінде де пайдаланған. Сүт тағамдарының құрамы ақуыз, май және көмірсуларға өте бай, олар адам организмінде оңай қорытылады әрі сіңімді болады. Кейбір Сүт тағамдарында түзілетін сүт қышқылы адамның ас қорыту жүйесіндегі шіру процестерінің дамуын тежеп отырады. Ол денсаулыққа пайдалы және қоректік қасиеті мол.

Ұлттық сүт тағамдарына айран, қатық, шалап, қымыз, қымыран, байқаймақ, шыртылдақ, кілегей, қаймақ, құрт, сүзбе, уыз, ірімшік, іркіт т.б. жатады.

Ал ұннан әже - апаларымыз ежелден қазағымның символына айналған шелпек пен бауырсақ пісіріп, таба нан, салма, қаттама әзірлеген. Жұма сайын және әрбір мерекеге орай дастарқаннан бауырсақ пен шелпек үзілмеген.

Халқымыз дәнді дақылдардан да пайдалы тағам әзірлей білген. Соның ішінде: талқан, жент, тары, бидай көже, майсөк, бөкпе.

Халқымыздың ұлттығы мен салт - дәстүрін сақтап, ары қарай дәріптей білейік, ағайын!