2-тапсырма : Мәтінді оқы. Тапсырмаларды орында. Ауа райын болжау Торғайлар ағаштың бұтағында дыбыс шығармай, қонақтап отырса, қар жауады. Олар қосылып шиқылдаса, жылы болады. Қуысқа тығылып, бір жерге топталса, суық болады. Бұл – боран алдындағы көрініс. Бозторғай әндетсе, сауысқандар шатыр астына тығылса боран болады. Тауық бұрынғысынан жоғары қонақтаса, қатты аяз болады. Әтеш, қаз бір аяғымен тұрса, аяз болады. Тауық аяз боларда қанатын қағады. Жылқы жылы боларда жатады, аяз боларда тұрады. Боран боларда қорылдайды. Қоян жатар орнын бұрынғысынан биіктете түссе, ауа райы бұзылады. 1) Жетінші сөйлемдегі зат есімдерге көптік жалғау жалғап жаз. 2) Жылқы деген сөзді үш жақта тәуелде.

2-тапсырма

1) Әтештер, қаздар бір аяғымен тұрса, аяз болады.

2)

Жекеше:

Менің жылқым.

Сенің жылқың.

Сіздің жылқыңыз.

Оның жылқысы.

Көпше:

Біздің жылқымыз.

Сендердің жылқыларың.

Сіздердің жылқыларыңыз.

Олардың жылқылары.

Менің сүйікті спортшым

Елімізде ауыз толтырып айтып, мақтанатындай спортшылар аз емес. Менің бір емес, екі бірдей сүйікті спортшым бар, олар әр түрлі спорт түрінің шеберлері болғанымен, барша қазақ халқы оларды мақтан тұтады.

Солардың ішінде ең алдымен Александр Винокуровты атап айтқым келеді. Ол - Қазақстанның және Астана Pro Team велокомандасының ең белгілі велошабандозы, «Vino» (Вино) деген атпен белгілі. 2012 жылғы Лондондағы XXX жазғы Олимпиада ойындарының чемпионы, Сидней Олимпиадасының вице чемпионы, әлем біріншілігінің қола жүлдегері, «Вуэльта» көпкүндігінің (2006 жыл) жеңімпазы. Оның есімі Қазақстанның спорт тарихына алтын әріппен жазылды десем, артық болмайды деп ойлаймын, себебі ол Қазақстаннан шыққан Олимпиада ойындарында алтын иеленген тұңғыш велошабандоз.

Еліміз Серік Сапиевті де мақтан тұтады. Ол - ең танымал боксшылардың бірі, олимпиада чемпионы, халықаралық спорт шебері, Қазақстанның бокс бойынша еңбек сіңірген спорт шебері. Оның есімі Қарағанды қаласында бокс орталығына берілген болатын.

Болашақта мен жоғарыда есімі аталып кеткен Серік Сапиев сияқты әлемге танымал спортшы болуды армандаймын. Бокс үйірмесіне аптасына үш рет барып, бар ынта - жігеріммен жаттығып жүрмін.

Орфоэпия (гр. 'orthos' – дұрыс, epos – сөз, сөйлеу) – сөздер мен сөз тіркестерінің дұрыс айтылу ережелерінің жиынтығы. Тілдегі сөздердің айтылуы мен жазылуы бірдей бола бермейді. Қазақ тілінің дыбыс үндестігіне сәйкес көптеген сөздер орфография нормадан ауытқып айтылады. Мысалы, құлұн, өнөр, түңгү, Амаңгелді, көг гүл, айталады, ағиық, т.б. Сөздерді дұрыс айту нормалары дыбыс үндестігіне, яғни ілгерінді, кейінді, тоғыспалы ықпал заңдылықтарына негізделеді. Сөздердің дұрыс айтылуы орфоэпия сөздіктерде көрсетіліп отырады.