Мәтінге қатысты ой тұжырымынызды жазыңыз​

Қыстырма сөздерді қатыстырып, асық тақырыбына әңгіме құрау.

Әрине, әрбір мектеп оқушысы жазғы демалысын асыға күтеді. Менің ойымша, оның өзіндік себебі де бар – күні бойы алаңсыз аулада достармен ойнау. Сонымен, жазғы демалыс та басталып кетті. Біздің ауланың ер балалары топтасып, асық ойнағанды жақсы көреміз. Меніңше, бұл ұлттық ойынды әрбір қазақ баласы ұнатады. Демалыстың кезекті күні Самат, Еркебұлан, Аспандияр және мен асық ойнамақшы болдық. Ауланың ортасында төртбұрыш сызып, бір жағына асықтарды тізіп қойдық. Әрқайсымыз екі асықтан шығаратын болып келістік. Біздің ауламыздың ойын ережелері бойынша кімнің сақасы табанмен түссе, сол ойынды бірінші бастайды. Сөйтіп, кім бірінші бастайды деп тұрғанда, Аспандияр екеуміздің сақамыз табандап түсіп, екеуміз тағы да асық аттық. Қысқасы, менің жолым болып, мен бірінші жүріске ие болдым. Уақыттың қалай зулап өткенін де байқамай қалыппыз, сірә, ойынның қызығына кіріп кеткенбіз ғой. Бір атқанда асығымыз алшысынан түсіп жатса, енді келесі жүрісіміз сәтсіз аяқталып жатты. Сөз жоқ, өте тартысты ойын болды. Дегенмен, осы жолы Еркебұланның жолы болып, тігілген асықтардың барлығын қанжығасына байлады. Түскі асымызды ішіп алып, тағы да ойнауға келісіп, үйімізге тарадық.

Демеулік шылауларға мысалдар

Ертең алаңда өтетін мектепаралық спорт жарысына қатысасың ба?

Бұл жолы бақылау жұмысынан тек қана Айзере жақсы баға алды.

Қарағым, осы сенің істеп жүргенің дұрыс емес - ау!

Сен түгіл мен де осы жолы өздік жұмысын уақытында тапсырмадым.

Әсіресе, бұл өлеңнің қайырмасы маған ерекше ұнайды.

Ертең кезекшілікке сен ғана шығасың, келістік пе?

Қазақ тілінен үйге қандай тапсырма берілгенін айтып жібересің бе?

Жаным – ай, сен - ақ кешігіп жүресің - ау!

Бүгін күннің ызғарын - ай!

Жиналысқа өзің – ақ бара бер, бүгін менің қолым тимейді.