Қалың орманды бір түлкі аралап келе жатты. Ол биік ағаштың басында отырған бір қырғауылды көрді де, жақындап келіп: – Сəлеметсіз бе, қырғауыл! Қалай тұрасың, достым? - деді. – Жақсы сөзіңе рақмет! Өзіңіз қалай тұрасыз? - деді қырғауыл. – Жерге түсіп сөйлессең екен, шырағым, кəрімін, бір құлағым жөнді естімейді, - дейді түлкі. – Жерге түспеймін, жерге түсуге қорқамын, жерде əртүрлі аңдар бар, бізді жеп қоюы мүмкін, - деді қырғауыл. – Ей, достым, биылғы заман бұрынғы емес! Бүгін қалаға барып келіп едім, «біреуге біреу зорлық қылмасын» деген бұйрық шығыпты. Бұйрықта қой мен қасқыр, түлкі мен тауық, ит пен мысық бірге жүрсін, көгершін мен қаршыға бір ұяға жұмыртқаласын делінген. Қорықпа, түс, - дейді түлкі. – Жақсы хабарыңыз бар екен, досым! Ана жақта бір топ иттер келе жатыр, оларға да айтыңыз, олар да бұйрықты естісін, - деді қырғауыл. Ит деген сөзді естіген түлкі алды-артына қарамастан қаша жөнелді. – Қайда барасыз, бұйрықты ұмытып кеттіңіз бе? - деді қырғауыл. – Кім біледі, бұйрықты иттер естімеген шығар, - деген түлкінің даусы алыстан естілді.Это текст

Алашорда үкіметінің өмірге келуіне тікелей себепші болған жағдай Уақытша үкіметтің басқа да шет аймақтардағыдай Қазақстанда да ұлт өміріне қатысты ең өзекті мәселелерді шеше алмаған әлжуаз, тұрақсыз саяси билікке айналуы, оның арты бүкіл империяны қамтыған анархия, зорлық пен зомбылыққа ұласуы еді. Қазақ облыстарында асқынған жер мәселесін шешуге бағытталған әрекеттің болмауы, атты қазақ әскері, қарулы солдат пен қоныстанушылардың панасыз жергілікті халық үстінен жүргізген озбырлығының өрши түсуі соның айғағы болатын. Осындай жағдайда қазақ зиялылары арасында ұлттың мемлекеттілігі туралы мәселе талқылауға түсті. Сөйтіп, бұл мәселені қараған Жалпықазақ-қырғыз съезі 1917 жылы 5 желтоқсанда Орынбор қаласында ашылды. Оған барлық қазақ облыстарынан, сондай-ақ одан тыс жерде тұратын Алтай губерниясы мен Самарқан облысы қазақтарынан және Жетісу облысы қырғыздарынан барлығы 82 өкіл қатысты. Съездің күн тәртібінде тұрған ең негізгі мәселе, әрине, ұлттық автономия мәселесі еді. Міне осылайша ұлттық идеяологияны ұстанғандар арасынан алғашқы Алашорда автономиясын құру қолға алынып оның төрағасы болып Әлихан Бөкейханов болды.

Әлін білмес әлек.
Әрбір адам өз мүмкіндігін бағалай білу керек. Қолынан келетін істі барынша сапалы істеген, қолынан келмейтін істі бастап, аяқтай алмай тастағаннан артық. Мысалы: Айдос өте өзімшіл бала, ол өзінің қолынан келмейтін іс жоқ деп ойлайды. Осы мінезімен қаншама рет жұрт алдында күлкі болды. Оның досы өте іскер бала, Айдос оған қызғанышпен қарайды. Бір күні досы ағаштан әдемі домбыра жасайды, оны ұстаз жоғары бағалап, мақтайды. Айдос оны бәрімізде жасай аламыз, онда тұрған не бар екен деп дауласады. Ұстаз оған сол тапсырманы бергенде, Айдос домбыра тұрмақ, сол домбыраға арналған ағаштан қасықта шығара алмай күлкі болады. Міне, әлін білмес әлек,- деген осы жерде орынды болып тұр.