ТЖБ по Қазақ тілі. «Қазақ тілі » пәнінен 1-тоқсан бойынша жиынтық бағалау тапсырмалары Мәдениет: тіл және қарым-қатынас. Фонетика Киіну. Сән.Талғам. Фонетика Отбасылық дәстүрлер мен мерекелер. Лексика Тыңдалым мен айтылым Оқылым Тапсырма​ Берілген мәтіндерді оқып, оларды өзара тақырыбы, жалпы мазмұнын тұрғысынан салыстырыңыз. Олардың жанры мен стилін анықтаңыз. А мәтіні Қазақы нақыштағы , заманға сәйкес киім үлгісін қарастырудасыз ба? Қымбат дүкендерден бастап, соңында базарлардан қалтаңыз көтеретінін алуға мәжбүрсіз бе. Ең тиімді бағадағы, денеңізге қонымды сапалы киім іздесеңіз әртүрлі сауда орталықтарын аралаудың қажеті жоқ. Себебі, сіздер үшін «Ұлттық киімдер» орталығы сапалы, соңғы үлгідегі топтамаларын ұсынады. Жақыныңызға немесе құрметті қонағыңызға ерекше сый тарту еткіңіз келсе, ұлттық нақыштағы сыйлықтарды таңдаңыз. Ұлттық киімдер болмысыңызды айқындап, түр сипатыңызға өң беретін болады. Киімнің барлық үлгілері табиғи матадан тігілген. Жас ерекшеліктер толығымен ескерілген. Еңбектеген баладан, ақылы асқан қарияға дейінгі қауымның сұранысын қанағаттандырады. Біздің дүкен таңғы тоғыздан , кешкі жетіге дейінгі аралықта жұмыс жасайды.Аптаның жұма, сенбі күндері сіздер үшін жеңілдіктер болады.Біз сіздерді асыға күтеміз! Мекен-жайымыз: Арқалық қаласы, Жәнібек батыр көшесі, Орталық әмбепап дүкен, І қабат, 17-бутик. Ә мәтіні Құрметті тіл үйренушілер! Ағылшын тілін меңгеруді қиындатып, жақындауға жүрексініп, тіпті бағынбайтын қамал қылып алсаңыз, ол ойыңызды өзгертіп, бір айдың ішінде қазіргі деңгейіңізден бір сатыға көтеріп беремін. Әрине берілген тапсырманы орындап, бар ынтаңызды салсаңыз! Мені қадағалап, нақты нұсқаулықпен жүргізіп отыратын адам керек десеңіз, дәл осы «Ағылшын тілін жеке коучингпен» курсы сіз үшін: Курс кімдерге арналған: ➢ Beginner, Elementary, Pre-Intermediate, Intermediate бар деңгейлер үшін ➢ Магистратураға түсу үшін ағылшы емтиханына дайындалушыларға ➢ ҰБТ-дан ағылшын тілін тапсырушыларға ➢ Мектеп оқушылары, студенттер, қызметкерлер, зейнеткерлерге дейін барлық жас пен деңгейлерге. Курс бағдарламасы қандай? ➢ Отыз күн бойы дайын сабақтар, тапсырмалар ➢ Тыңдалым, оқу, жазу, сөйлеу бойынша жұмыс ➢ Минимум 20 грамматикалық тақырып меңгеріп, 1000 сөз бен 100 ең көп қолданатын ағылшын фразаларын үйреніп шығасыздар! Басталуы: 20.12. Тіркелу: 87011352594 немесе Arkalyk_tilder парақшасы Мекен -жайымыз: Арқалық қаласы. Тілдер дамыту орталығы А мәтіні Ә мәтіні Тақырыбы Қысқаша мазмұны Қандай жанр? Неліктен? Себебін түсіндіріңіз. Жанрға тән қандай сөздер қолданылған? Жазылым Берілген тақырыптардың бірін таңдап, жарнама жазыңыз. Жазу барысында сөздердің қатесіз, орфографиялық нормаға сай жазылуына назар аударыңыз. [10] 1) Сіз – ұлттық нақыштағы заманауи сәнді киім үлгілерін тігетін жаңадан ашылған сән үйінің басшысысыз. Қазақстандықтарға сән үйіңіздің ерекше қызметтері туралы жарнама мәтінін жазыңыз. (60-80) сөз 2) Сіз қазақстандық белгілі дизайнерсіз. Өзіңіздің сән үйіңіз бен бренд киімдеріңіздің дүкендер желісі бар. Тұтынушылардың қызығушылығын оятатындай жарнама мәтіні ойластырыңыз. 3) Қазақ халқының дәстүрлерін насихаттайтын жарнамалық роликке жарнамалық мәтін жазыңыз.