1- Тапсырма. Төмендегі мәтінді оқып, есімдері аталған тұлғалар туралы ақпарат жинаңыздар Ән құдіреті Сұлтанмахмұт кідіріп, сөйлеп кетті. Бұл жолы ән-күй халықтың қазынасы екенін, сол қазынаға «Жаяу жүріп, закон қуған» Жаяу Мұсаның мол мұра қосқанын, ән-күйі әсерлі болса, жұрт өзі-ақ ауыздан-ауызға қақшып алып, үйреніп айтып, өзінің төл дүниесіндей, төл атындай меншіктеніп алып, рақаттанатынын айтты. Тау арасында ат үстінде келе жатып Жаяу Мұса әндерін шырқаған адамдардың дауысын, әнін Баянауыл тауларының шың жартастары қосыла шырқап қайталап айтып жататынын сөз етті. Ал нашар ән, нашар күйді халыққа зорлап үйретіп қабыл алдыра алмайсың. «Қойшы соны», - деп, қолдарын бір-ақ сілтейді. Немесе тыжырынып тыңдап, аяқталуына әрең шыдайды. Кімнің құлағын кесіп аларсың?! Ал жүрегі қабылдаған жақсы әнге сезім дүниелері қосыла кетеді. Демек, ән бағасы – халықта, - деді Сұлтанмахмұт. Ақшоқыдағы бұл ауыл – ән баптап, сөз күйттеген ауыл. Жаяу Мұса ашқан ән мектебінің, сөз көктемінің ауылы. Дәулеті мен сәулетін бермеген құдайға наразылық ретінде сөз сарасын, ән шанасын тербеттіріп қойған ауыл. Оның қайнар көзі – Жаяу Мұса. (Д.Әбілов, 147 сөз

Ыбырай Алтынсарин қазақ халқының ағартушылық тарихында және ұлттық мектебінің қалыптасуында терең із қалдырған тұлға. Ол 1841 жылы қазіргі Қостанай облысының аумағында дүниеге келген. Әкесінен ерте айырылған ол атасының - белгілі би және старшын Балқожа Жаңбыршиннің қолында тәрбиеленді. Ыбырай бала кезінен бастап білімге және өз бетінше оқып білуге бейім екенін байқатты. Көп оқыды, Ресей қоғамының білімді адамдарымен жиі араласып тұрды. Орынборда оқып жүрген кезінде шығыстанушы ғалым В.В Григорьевпен жақын танысып алды. Ол өзінің бай кітапханасымен Ыбырай Алтынсариннің еркін пайдалануына рұқсат етті. Білімге құштар жас бос уақытының бәрін де сол кітапханада өткізді. Білген үстіне біле түссем деген құмарлық пен өз халқыма неғұрлым көбірек пайда келтірсем деген абзал арманға ұмтылыс жас Ыбырайдың өмірлік кредосына айналды. Өзінің мінез-құлқы жағынан қарапайым әрі еңбексүйгіш еді, көп оқыды, өзге халықтардың қол жеткен табыстарын неғұрлым көбірек біле түссем деп армандады. Алған білімін өз халқының пайдысына асыруға талпынды.

Түркістан өзінің ғасырлар бойғы тарихында өзінің қайталанбас келбетін сақтап, өзіндік сипатын қалыптастырып, тағдырын айқындады. Бұл ежелгі қала өзінің даму кезеңінде әрдайым к ты және көптілді болды. Ол өркендеу, құлдырау және қайта туылу кезеңдерін бастан кешірді. Тарихи тұрғыдан алғанда Түркістан халқы көпұлтты, бірақ оның көп бөлігі мәдениеттің, тіл мен діннің бірлігі біріктірілген түркітілдес халықтардан тұрады - қазақтар, қырғыздар, өзбектер, түрікмендер, тәжіктер.

Бүгінгі таңда Орта Азия мұсылмандары Түркістанды екінші Мекке деп атады. Ислам дінін ұстанушылар үшін бұл қасиетті қалаға үш рет бару Мекке қажылығымен пара-пар. Қаланың басты көрікті жері - Қожа Ахмет Ясауи кесенесінің ЮНЕСКО-ның Бүкіләлемдік мұралар тізіміне енуі маңызды.