Баланы өлімнен құтқарған құс Көлеңкеде қаннен - қаперсіз ұйықтап жатқан жеті - сегіз жасар балаға қарай айыр тілін сумаңдатып улы жылан жақындап келеді. Күтпеген жерден, қайдан шыға келгені белгісіз бір құс бала мен жыланның арасына түсіп, кес-кестей берді. Жылан да атылуға айналғандай шиыршық атып, айбат шегіп, ысқырып жіберді. Құс аяғын санап басып, жақындай түсті. Бала жайына қалды. Екі түз тағысының адам үшін шайқасы басталып кетті. Жылан шабуылды үдете түсті. Бірақ құс та тез жалтарып, оның ұлы тісін бойына дарытатын емес. Міне, жалын тағы да шап берді. Құс құйрығымен жер тіреп, жалтара берді де, жылан басын қайтып тартып аламын дегенше, өткір тұмсығымен оны төбесінен шоқып - шоқып алды. Жылан жан сауғалап, жиырыла кейін шегінді. Бірақ ашулы құс шаңқылдап, үсті - үстіне шоқи берді, шоқи берді. Бала оянып кетті. Ол қимылсыз бауыры жалтыраған улы жыланды, оның жанын ауыр деп алып жатқан құсты көріп таң қалды. Мұның екеуін бірдей кімнің өлтіріп кеткенін білмей, аңырап жан - жағына қарады. Жүрегі әлсіз ғана соғып жатқан мына кішкене құстың өзі үшін мерт болғанын бала түсінбеді. Жазбаша орындалатын тапсырма:Мәтіннен есімшелі етістіктерді теріп жазып, қалай түрленіп тұрғанын анықтаймыз;