ХАБАРЛАНДЫРУ Құрметті мектеп оқушылары!Қаламыздың 150 жылдығы мен Жас натуралистер станциясының 65 жылдығына орай ұйымдастырылып отырған Жас натуралистер станциясының "Ғажайып жануарлар" көрмесін тамашалауға шақырамыз! Көрмеде сәндік және үй қояны, кептерлер мен аквариумдағы балықтар, тасбақалардың түр түрімен танысып, оларды тамақтандыра аласыз. Көрмеге қатысушылар үшін хайуанаттар бағына тегін кіру қарастырылған. Көрме 2019 ж. 15 тамыз күні сағат 10.00 – 17.00-ге дейін жұмыс жасайды. Алдын ала тіркелу үшін 8 7172 56-49-87 нөміріне хабарласыңыз.1. Мәтіннің негізгі мәселесі не туралы екенін жазыңыз.2. Мәтіннің қосымша ақпараты не туралы екенін жазыңыз.3. Осы мәтіннен түйген ойыңыз бен алған тәрбиеңізді жазыңыз.4. Осы хабарландыруға қарап өзіңіз бір хабрландыру жазыңыз.​

Қазақ халқының салтында үлкенді сыйлау әдептіліктің бір үлгісі болып табылады. Ата-ананы сыйлау, оларды қадірлеу, ізет көрсету адамның ең қастерлі қасиеттерінің бірі. Кіші үлкенді сыйласа, үлкендер де өз тарапынан оған лайық ықылас білдірген. Содан барып үлкен мен кіші арасында жарасымды қарым-қатынас орнаған. Ол әдетке айналып әдептілік ережелерін тудырған. Үлкендер отырған жерде сөз жарыстырмай, ізет көрсете білу, көңілге қарай сөз айту, қажет кезде өзіңді ұстай білу халық дәстүрінде қалыптасқан қасиеттер. Әдептілік адам бойында бірден қалыптаспайды. Ол - біршама жылдардың, қоршаған ортаның, жақсы тәрбиенің жемісі. Ата-ана өз балалары үшін тәртіптілік пен сыпайылықтың, жарасымдылықтың, қамқорлықтың үлгісі, отбасындағы тәрбие құдіреті осында. Адамдар арасындағы қарым-қатынас әдептілікке негізделсе, жан-жағына жылуын шашады, әдепсіз болса қапаландырады. Адам-ең әуелі адамгершілігімен, әдебімен көрікті. Әдептілік-өзіңді әр түрлі жағдайда мінез-құлықтың жалпы ережелеріне, эстетикалық, этикалық талаптарға сәйкес ұстай білу. Әдепті адам ыңғайсыздық тудыратын жағдайды болдырмауға тырысады. Әдепті болу үшін өзіңді-өзің ойша болса да басқа адамдардың орнына қоя білуің керек. Әдепті адам өзінің басқа адамды жек көретінін немесе өте жақсы көретінін көпшіліктің алдында білдірмейді, бұл басқаларды ыңғайсыз жағдайда қалдырмау үшін қажетті. Адам мәдениеті жоғары болған сайын, оның айналасындағы адамдармен қарым-қатынасы сыпайы бола түседі