Тапсырма1 «Батыр Баян» поэмасының тақырыбы мен идеясын аша отырып, «Елдің жүгін ер арқалайды» тақырыбына эссе жазыңдар. Критерийлері: 1.Эссе 120 сөзден тұрады. 2.Тақырыпты поэманың тақырыбы мен идеясына сүйене отырып, ашып жазады. 3.Ерлік, батырлық туралы мақал-мәтелдер қолданады. 4.Эссе жазуда поэманың тарихилығына және эстетикалық құндылығына назар аударады. 5.Эссе құрылымын сақтайды. (Кіріспе, негізгі, қорытынды бөлімдері 6.Поэмадан фактілер (мысалдар) келтіреді. Эстетикалық құндылық деген – адамның эстетикалық мәдениеті. Оған келесі компоненттер кіреді: 1. Қабылдау – бұл табиғатта, өнерде, тұлғааралық қатынастарда тамаша көріністі көру қабілеті. (Мысалы, Батыр Баянның жағдайды қабылдауы) 2. Сезіну – эмоционалдық бағалау. (Батыр Баянның өкінуі) 3. Қажеттіліктер – ойлау арқылы эстетикалық тәжірибе алу ниеті мен қажеттілігі. 4. Талғамы – қоршаған ортаның эстетикалық идеалдарына сәйкестігі тұрғысынан бағалай білу және талдау. 5. Идеалдар – табиғаттағы, адамның, өнердегі әсемдік туралы жеке түсінік.

Жастық пен махаббат, сұлулық пен нәзіктік, шынайылық пен іңкәрлік, сүйіспеншілік пен адамгершілік, сенім мен сезім тақырыптарынан сыр қозғап, адамдық пен адалдықты сөз етер, сертке берік екі жастың арасындағы ғашықтық жырларын шертер «Қозы Көрпеш – Баян сұлу» қойылымы – өнер мен өмір, тәрбие-тағылым мектебі екені хақ...

Қозы Көрпеш – Баян Сұлу–Ғ.Мүсіреповтің халық жыры негізінде жазған 4 перделі, 7 суретті трагедиясы. Шығарма 1939 ж. сәуір айында жазылып біткен. Оның сюжеті ертеден мәлім жақсылық пен жамандықтың, махаббат пен қызғаныштың арасында туатын тартыс желісіне құрылған. Бір жылы дүниеге келген құрдас Қозы мен Баян бірін бірі жастайынан-ақ сүйіп табысады. Бірақ балғын жастардың махаббатына қызғаныш уын ішкен Қодардың жауыздығынан әрі Қарабайдың сараңдығынан екі жас мерт болады. Осындай қайғылы оқиғамен аяқталатын трагедия алғаш рет Қазақ мемлекеттік академиялық драма театрында режиссер М.Г. Насоновтың сахналауымен 1940 жылы 29 сәуірдекөрермен назарына ұсынылды. Бұл спектакльге О.Т. Жұмағұлов (Қозы Көрпеш), Ж. Жалмұхамедова (Баян), М.Б. Шамова мен Р.Р. Қойшыбаева (Мақпал), С. Қожамқұлов (Қарабай), Е. Өмірзақов пен Ә. Хәсенов (Қодар) т.б актерлер қатысып ойнады.