2.Мәтінді түсініп оқыңыз, кестені толтырыңыз (прочитайте текст, заполните таблицу) Аты-жөні Туған жылы, жері Қоғамдық қызметі Шығармалары Ұлықбек Оразбайұлы Есдәулет 1954 жылы 29 сәуірде Шығыс Қазақстан облысы, Зайсан ауданы, Үлкен Қаратал ауылында дүниеге келген. Еңбек жолын 1971 жылы облыстық «Коммунизм туы» («Дидар») газетiнде корректорлықтан бастаған. 1977 жылы Қазақ мемлекеттік университетінің журналистика факультетін бітіргеннен кейін, «Қазақстан пионері» («Ұлан») газетінде, «Жазушы» ба поэзия редакциясында қызмет істеген. 1983–1985 жылдары М.Горький атындағы Әдебиет институты жанындағы Жоғары әдеби курсты бітірген. Бұдан кейін Қазақстан телеарнасының жастар редакциясында, «Жазушы» ба сын редакциясында редактор, «Қазақ әдебиеті» газетінде сын бөлiмiнiң қызметкерi, 1988–1991 жылдары Қазақстан Жазушылар одағы басқармасының хатшысы, 1991–1993 жылдары «Жас қазақ» газетінің Бас редакторы, 1993–1997 жылдары ҚР Сыртқы істер министрлігінiң ЮНЕСКО iстерi және мәдени байланыстар басқармасында, 1997–2001 жылдары ҚР Мәдениет, ақпарат және қоғамдық келісім министрлігінің Тілдерді дамыту департаментінде бөлімдерді басқарған. 2001 жылдың басынан бері ҚР Үкiметiнің әлеуметтік-мәдени даму бөлімінің сектор меңгерушісі. 2002–2008 жылдары «Қазақ әдебиеті» газетінің Бас редакторы, 2008 жылдан берi «Жұлдыз» журналының Бас редакторы. Қазақстан Жазушылар одағы басқармасының хатшысы. «Көздеріңе ғашықпын» (1974), «Жұлдыз жарығы» (1977), «Алтайдың алтын тамыры» (1979), «Ұлыстың ұлы күні» (1982), «Ақ керуен» (1985), «Жаратылыс» (1989), «Жүректегі жарылыстар» (1995), «Перевалы Алтая» (1988), «Заман-ай» (1999), «Киіз кітап» (2001), «Ахиллесова пята» (2003), «Қара пима» (2006), «Ынтық зар» (2009), «Әбiлхаят» (естелiктер, эсселер, 2009) кiтаптары, Таңдамалы шығармаларының 2 томдығы (2006), Шығармалар жинағының 6 томдығы (2006–2009) жарық көрген.