1-мәтін -Қайырлы күн, сатушы мырза! Мына алмұрттарыңыз қаншадан? -800 теңге... -Імм, ммм... Неге сонша қымбат бағасы? -Бұл алмұрттар шетелден әкелінген. Үйге келген қонақтардың алдына ұялмай қоя аласыз. Өте әдемі. Көлемі де үлкен...Дорбаңызға салып берейін, қанша келі аласыз? -Жоқ, бұл алмұрттар гендік модификацияланған өнім ғой. Оның пайдасынан зияны көп. Сырты әдемі болғанымен, іші адам ағзасы үшін зиян. Маған өз жергілікті жеріміздің құрт жеген алмұртынан беріңіз... 2-мәтін ГМО (гендік модификацияланған организмдер) – гендік инженерияның табысты жемісіне айналып отыр. Мысалы, шет елдерден тасымалданатын шие мен қытай қиярына шошқаның гені қосылады екен. Америка 1983 жылы биологиялық қару жасау барысында ең алғашқы гендік модификацияланған өсім-діктерді өндірген. Сосын, гендік модификация 1986 өсімдіктерді үсіп кетуден сақтау үшін пайдаланылған. Бұл ол кездері ғылымдағы үлкен жетістіктердің бірі болатын. 1994 жылы тасымалдау кезінде бұзылмай сақталатын қызанақтар өндірілді. Содан бас¬тап «ГМО мәдениеттің» дәурені жүре бас¬тады.

«Отбасы бақыты» шағын шығарма.

Бақыт дегеніміз не? деген сұраққа бір сөзбен жауап беру қиыншылық тудырады, себебі әркім бақытты әрқалай түсінеді, тіпті адам өмірінің әрбір кезеңінде түрлі материалдық және рухани құндылықтарды бақыт деп есептейді.

Әдетте, үлкен кісілер «бақыттың ішіне бәрі де сыяды» деп жатады, менің ойымша, бұл өте орынды сөздер. Мысалға, біреу үшін денінің саулығы бақыт болса, енді біреуінің ойынша, ол отбасы мүшелерінің амандығы, тағы басқа адам бақытты байлықтан іздейді. Есейе келе, менің де бақыт жайлы ой - пікірім өзгерген сияқты. Мысалға, бала күнімде мен үшін бақыт дегеніміз - жаңа ойыншық, әдемі көйлек, ата - анаммен қыдырып, ойнау бақыт болса, қазір бой жеткенімде мен үшін бақыт - ол сабағымды жақсы оқып, ата - анамның маған артқан үмітін ақтап отырғаным. Үйдегі жеңгемнен «Сіз үшін бақыт деген не?» деп сұрағанымда, ол кішкене бөпесінің сыңғырлаған күлкісі мен отбасының амандығы деп жауап берді. Ал анам болса, «бақыт дегенім - сендердің аман жүргендерің» дейді. Міне, көрдіңіздер ме, қарап отырсаңыздар, шынымен де бақыттың ұғымы өте кең, өміріміздің барлық жағын қамтиды. Дегенмен де, әр адам бақыт дегенді  әр түрлі түсінгенімен де, барлық адам бақытты болуға лайықты деп ойлаймын.

Барлығымыздың отбасымыз бақытты болсын, сесебі отбасы – баға жетпес қазына.