10.Тіл ғалымы, әдебиеттанушы, біртуар тұлға Ахмет Байтұрсынов «Адамдық диқаншысы» өлеңінде адамдарға білім, даналық, ғылым, еңбек, адамдық сияқты асыл қасиеттерді тұқым ретінде еккенін тілге тиек етеді. Ақын өз заманында адамдар осындай қасиеттерді бойына сіңіргенін қалады. Ал, сіз өз қатарластарыңыздың бойында қандай адамдық асыл қасиеттер болғанын қалайсыз? Өз ойыңызды қазіргі өмірмен байланыстыра отырып, достарыңызға хатпен жеткізіңіз. Хат құрылымын сақтаңыз. Сөз саны – 50-60 сөз.

Қазақ отбасындағы әже орны ерекше әрі қадірлі. Әже - отбасының ғана емес, әулеттің де ұйытқысы, ағайын- абысындардың бірлігін, татулығын сақтайтын сыйлы анасы, кейінгі жастардың, келіндердің тәрбиешісі әрі ақылгөйі Қазақ қоғамында әдетте жас отау иелерінің тұңғыш баласын әжесі бауырына салады. Бала ата-әженің кенжесі саналып, немерені әжесі тәрбиелеп, бағып-қағады. Әже мен немере арасындағы туыстық байланыс өте нәзік әрі берік. Балажан қазақ үшін ата мен әжеге жас сәби жай ғана ермек емес, тәрбиеленуші ерекше субъект. Тарихта күллі рулы елге ана болып саналған Айпара әже, Домалақ ене, Зере, Айғаным секілді әжелердің бейнесі аңыз-әңгімелерде, әдеби шығармаларда сомдалған.

Алдымен әже тәрбиесі арқылы бала жақсы-жаманды ажыратып, үлкен-кішіні тани бастайды. Мінез-құлық, тіл тәрбиесі қалыптасып, бала үй шаруасына бейім, елгезек тілалғыш, мейірімді болып өседі. Әженің алдын көрген балаға былайғы жұрт тәрбиелі бала деп баға береді.