1-мәтін Өскеменде жапондық роботтар көрмесі өтті жуырда. Онда жұрттың назарына адамға қолғабыс бола алатын роботтар мен Гиннес рекордтар кітабына енгізілген гуманоидтар ұсынылды. Солардың ішінде "Вилли" роботы үйді күзетуге қауқарлы екен. Айтпақшы, ол бала да баға алады. Тіпті бұл роботтар да шаршайды екен ғой. Өте ашулы роборапторға саусақ шошайтуға болмайды, тістеп алады деп таныстырды. Билеуден алдына жан салмайтын робобилдер, ақылды әрі елгезек робоанниматроник-шимпанзе және тағы басқа гуманоидтер жиналғандарды әсте таңғалдырды. Мысалы, Гиннес кітабына енгізілген әлемдегі ең кішкентай адам теңдес робот бар. Көрмеге барып көзім жетті. Оның бойы 16 см. Түймедей құрылғы 200-ге тарта бағдарламаны орындай алады дегенде, шалқамнан түсе жаздадым. Әттең, көрмеде тұрған робот-андроидтар елімізде сатылмайды ғо. Алайда Жапония, АҚШ сияқты елдерде мұндай роботтардың құны бір мың доллардан асатынына қалай таңғалмайсың, ә?! Ол да маңдай термен келеді. 2-мәтін Жапондықтар құлпынайды тездетіп жинау әдісін ойлап тапты. «Shibuya Seiki» компаниясының инженерлері піскен құлпынайды өзі тауып, үзе қоятын робот шығарды. Биіктігі 2 метрге жететін робот егістік қатарын аралап, піскен құлпынайды өзі ажыратады, арнайы себетке тездетіп теріп, уақытты үнемдейді. Бір құлпынайды үзуге небәрі 8 секунд уақыт кетеді. Үш бейнекамерасы жұмыс жасайтын бұл құрылғының механикалық қолдары да бар. Олар жемісті үзуге арналған. Аталмыш туындыны жасауға Жапонияда жиналатын құлпынай процесі әсер еткен. Өйткені, алғашқыда бұл елде оған ұзақ уақыт жұмсалған. Ал роботты жасаушылар енді мұны жеңіл жұмысқа айналдыруға әбден болады деп отыр. Салыстыру жазаңыз