Теңізші мамандығы әр нәрсеге әуесқой, елгезек, ержүрек балаларды ерте замандардан бері қызықтырумен келеді. Теңізші мамандығы өте қиын да қатерлі. Аспан айналып жерге түскен ыстықта да, сақылдаған сары аязда да, кезге түтрсе көргісіз тас қараңғыда да, аяғынан асты көрінбейтін соқыр тұманда да, сұрапыл дауылдарда буырқанған таудый толқындар кемені көкке атып, қақпақыл ойнағант сәттерде теңізші орнында, жұмыс үстінде болады. Сондықтан теңізшілер өжет, батыл, өз ісіне тиянақты болуы қажет.

Қазақстан теңіз академиясы 2012 жылы Елбасының тапсырмасы бойынша теңіздегі мұнайгаз кен алаңдарын игеруді қолдау және дәстүрлі мұнайгаз секторынан тыс Қазақстан азаматтарын жұмыспен қамту мақсатында құрылды. ҚТА «Теңізшевройл» ЖШС-нің тікелей қолдауымен құрылып, оған Қазақ-Британ техникалық университеті серіктес болды. Қазақстан теңіз академиясының халықаралық серіктестігіне теңіз білімі саласындағы конгломерат – STC Group (Нидерланды) компаниясы шақырылды. «Шеврон Шиппинг» компаниясы кадеттердің халықаралық деңгейдегі заманауи кемелерде тәжрибеден өтуіне кәсіби тұрғыда қолдау көрсетіп, тәжірибе сабақтарын ұйымдастырды. Сондай-ақ академияның алты түлегін тәлімгер ретінде қабылдады. «Теңізшевройл кәсіпорны атынан академия түлектерін оқуды бітіруімен құттықтаймын,- деді ТШО бас директорының міндетін атқарушы Имер Боннер. -Өздерінің бойларындағы мақсаткерліктің, Қазақстан Республикасы Үкіметі мен серіктестеріміздің қолдауы арқасында сіздер теңіз тасымалы саласында халықаралық тұрғыда мойындалған қазақстандық маман боласыздар». Академия түлектері қазақстандық және шетелдік кемелерде әлемнің әр түкпірінде жұмыс жасай алатын жоғары білікті мамандар тобын құрайтын болады. Қазіргі уақытта 84 кадет Қазақстан теңіз академиясында білім алуда.

Объяснение: