Төменде берілген екі тақырыптың бірін таңдап, жазба жұмысын орындаңыз. Жазылым жұмысында тақырыптан ауытқымай, абзац түрлерін жүйелі құрастырып, көркемдегіш құралдарды орынды қолданып, орфографиялық, пунктуациялық нормаға сай жазыңыз. [10] 1. Ғылым мен технология дами келе адамзаттың орнын басады деген пікірге келісу-келіспеу себептерін көрсетіп жазыңыз. 2. Қазіргі кезде кітап оқушылар саны азайып бара жатқандығы – көбімізді ойландыратын мәселе. Көтерілген мәселе бойынша өз пікіріңізді нақты мысалдар келтіріп жазыңыз.

АСТАНА. Тамыздың 19-ы. ҚазАқпарат - Бүгін «Он-лайн» режімінде «Мектеп формасы және Қазақстан педагогтарының қазіргі заманғы киім үлгісі» деген тақырыпта республикалық семинар-кеңес өтті, деп хабарлайды Қазақстан Республикасының Білім және ғылым министрлігінің ба з қызметі.
Оған облыстық, Астана және Алматы қалаларының білім басқармаларының, қалалық, аудандық білім бөлімдерінің басшылары, балалар киімдерін шығаратын өндірушілер, педагогикалық және ата-аналар қауымдары қатысты.

Интерактивті форум барысында оқушыларға арналған мектеп формасының, спорттық киімдердің, жалпы білім беретін мектептердегі педагог қызметкерлерге арналған іскер киім үлгілері көрсетілді.

Кеңеске қатысушылар балаларға арналған заманауи киім үлгісінің бағасының қол жетімділігін, ыңғайлылығын мен жайлылығын талқылады. Ата-аналар мен мектеп қауымының, киім үлгілерін тігушілердің пікірлері тыңдалды, Ақтөбе, Атырау, Жамбыл, Батыс Қазақстан, Қостанай, Павлодар облыстарының және Алматы қаласының мектеп формасын енгізу жөніндегі тәжірибелері таныстырылды.

Педагогтар мен оқушылардың ішкі мәдениетіне ғана емес, олардың сыртқы түріне де баса назар аударылады. Өйткені, білім беру процесінде ұсақ-түйек жоқ, оның барлық қатысушылары үшін қолайлы орта қалыптастыру маңызды.

Республикалық семинар-кеңеске елдің әр өңірінен барлығы 700-ден астам білім беру ұйымдарының өкілдері қатысты.