Мәтіннен 5 есімдікті теріп жазып, жіктеңіз: үлгі: жүр мен жүремін сен жүресің сіз жүресіз ол жүреді​

Менің елім, туған жерім – Қазақстан. Осынау құдіретті сөзді әрбір қазақ баласы асқақ сезіммен, керемет мақтанышпен сан рет айта алары хақ. Сонау ұлан-байтақ жері Алтайдан Атырауға дейін созылып жатыр. Осындай аймағы кең, қойнауы қазынаға толы әрі құнарлы жерімізге кімдер көз салмады десеңші?! Олар қазақ жерін басып алу үшін қаншама рет шабуыл жасап, елімізді тыныш қоймады. Бірақ мықты, батыл ата-бабаларымыз сыртқы жаудың қимылын бағып, талай рет тойтарыс беріп отырды. Сол батыр бабаларымыздың арқасында біз байтақ жерде, құт мекенде еркін көсіліп, жайланып жатырмыз. Қасиетті жеріміздің иесі – олардың ұлы ұрпақтары жетіп отырған бостандық туын биікке желбіретіп, ары қарай дамуына өз үлесімізді қосамыз.

Қазақстан халқы бірлігін нығайту, қоғамды Мемлекет басшысының бейбітшілік пен келісім саясаты аясында шоғырландыру мақсатында орайластырылған мерекелік шаралар «Біздің күшіміз – бірлікте!» ұранымен өткізілетін болады. Әрбір қазақстандық елімізде болып жатқан оқиғаларға өзінің де қатысы бар екенін сезіну үшін мерекелік шараларға халықтың барлық әлеуметтік санатын тартатын бұқаралық сипатына мән беріледі. Әр қалада, әр ауданда, әр ауылда өтетін әрбір шара республикалық шаралар желісінің құрамдас бөлігі болуымен ерекшеленетін болады.

Бірлік пен ынтымақты ту еткен халықтың салтанатты мерекесі – елордамыз Астанада да ерекше мазмұнмен аталып өтпекші. Оның да үлкен себебі бар. Өйткені, Астана – мемлекет дамуының басты орталығы. Экономикалық, рухани, мәдени жетістіктерімен өзге өңірлерге үлгі қала, еркіндігіміз бен тәуелсіздігіміздің басты нышаны. Мұндай тарихи миссия бәрімізді жауапкершілікке жетелейді. Алдағы жылдағы мерекелік шараларымыз да еліміздің жетістіктерін насихаттап, бірлігімізді нығайтып, бәрімізді бір кісідей жұмылдыруға негізделеді.

Алдағы 6 ақпанда Бейбітшілік және келісім сарайында Ассамблея жылы ресми түрде ашылады. Мерейлі жылды насихаттайтын көрнекі құралдар мен кәдесый өнімдерін шығаруды да көздеп отырмыз. Жыл бойына қаланың оқу орындарында, мәдени ошақтарында бейбітшілік пен келісім сабақтары өткізіледі. Түрлі акциялар, фестивальдер мен концерттер, ұлттық ойындар са­йысы да жылдың маңызды уақи­ға­ларына айналмақшы. Оның ішінде «Менің Қазақстаным» эт­но­мәдени бірлестіктердің қалалық музыкалық фестивалі, «Қазақстан – біздің ортақ үйіміз» патриоттық кеші, «Туған елге тағзым» акциясы, «Мен достықты таңдаймын» атты флэшмобы, «Біздің ел осындай!», «Елім бір, тілегім бір, жүрегім бір» этнофестивальдері «Достық әнін шырқаймыз» оқушылар фестивалі, «Тілдарын-2015» қалалық байқауын айтуға болады. Сонымен қатар, «Мақсұтым – тіл ұстартып, өнер шашпақ…» атты этнос өкілдері арасында Абай шығармалары оқуынан байқау мен Қазақстан халқының тарихы мен салт-дәстүрін наси­хаттауға бағытталған «дөңгелек үстел» отырысын және «Қазақстан – достық аумағы» атты поэзия кешін өткізу жоспарда бар.